Informaziun

Informaziuns sur dallas pleivs da Degen, Morissen, Vella e Vignogn sco era dalla vischnaunca da pleiv Lumnezia miez

Commemoraziun da 600 onns frar Clau da Flia

En la caplutta da sogn Vetger a Degen vegn baghegiau la cella digl eremitadi da frar Clau da Flia.
Nies plevon sur Peter meina quei project ensemen cun ils scolars dalla scola supperiura dalla Lumnezia. Visetas egl eremitadi che sesanfla en caplutta da song Vetger a Degen ein libras per la populaziun. Sur da diversas occurenzas informescha la pagina d’internet da

⇒ Flyer s.Vetger a Degen

⇒ Informaziuns frar Clau da Fliela


Viadi a Ruma, ils 13-16 d’october 2017

Nus havein astgau guder in fetg bi viadi en buna cumpignia. Ils contacts persunals da nies plevon han possibilitau als 31 participonts bein enqual  visitaziun tut speciala.
Grond engraziament a sur Peter ed era a sur Tomasz.


Survetsch divin alpester dumengia, ils 13 d’uost 2017 allas 10.30 uras sper il lag a “Plaun lom”, Vella / suenter messa “grillada”

Las pleivs da Degen, Morissen, Vella e Vignogn ein selegradas zun fetg d’envidar la populaziun a quei survetsch divin.
Pign e grond, giuven e vegl, indigens ed jasters – tuts ein stai cordialmein envidei da celebrar ensemen cun sur Peter allas 10.30 uras il survetsch divin avon ina belezia culissa alpestra. Il chor Vocalis Lumnezia cun siu dirigent Gieri Spescha ha embeliu il survetsch divin.

Suenter messa ein tuts stai cordialmein envidei da guder la cumpignia sper il lag e dustar fom e seit cun nossa purschida giu dil grill. Las pressapauc 250 persunas han gudiu in bellezia gi da stad cun emperneivlas temperaturas.
Nies proxim survetsch divin alpester ha liug dumengia, ils 12 d’uost 2018 el medem liug – nus selegrein.

⇒ program

Chor Vocalis Lumnezia

⇒ La Quotidiana dils 17 d’uost 2017

Impressiuns dils 12 d’uost 2017

2017-08-13 11.10.05_zoom1_ 2017-08-13 11.14.47_zoom1_  2017-08-15 19.21.18_zoom1_
 2017-08-15 19.18.29_zoom1_  2017-08-15 19.18.38_zoom1_  2017-08-15 19.18.43_zoom1_
 2017-08-13 12.55.34_zoom1_  2017-08-13 12.15.08_zoom1_  2017-08-13 12.42.09_zoom1_
 2017-08-13 11.52.21_zoom_  2017-08-13 12.04.20_zoom1_  2017-08-13 15.30.53_zoom1_

 


 

LA VISCHNAUNCA DA PLEIV CATOLICA-ROMANA LUMNEZIA MIEZ

Las persunas catolicas sesentas els vischinadis da Degen, Morissen, Vella e Vignogn cun lur uclauns sin territori dalla vischnaunca Lumnezia fuorman la vischnaunca da pleiv catolica-romana Lumnezia miez.

La vischnaunca da pleiv catolica-romana Lumnezia miez ei ina corporaziun dil dretg public autonoma, ella cumpeglia gl’entir territori dils vischinadis da Degen, Morissen, Vella e Vignogn.

La vischnaunca da pleiv catolica-romana Lumnezia miez ei naschida igl 1. da schaner 2014 ord la fusiun dallas vischnauncas da pleiv da Degen, Vella e Vignogn. Naven digl 1 da schaner 2017 ei era la vischnaunca da pleiv Morissen fusiunada cun la vischnaunca da pleiv Lumnezia miez.

Las vischnauncas da pleiv ein fusiunadas, las pleivs restan autonomas.